][● حلو و مو حلو ●][

شي حلو ان الانسان ياخذ العادات الحلوه من الغير ويقتدي فيهم علشان يطور من نفسه ويرتقي بدولته ويخليها من احسن للاحسن.

شي مو حلو انا ناخذ العادات الغربيه والاشياء اللي يستنكرها مجتمعنا وما تمشي مع عاداتنا وتقاليدنا ونحاول نلبس ثوب مو ثوبنا..

حلو انا نقلد الغير في العلم والمعرفه..ونطلع على تراثهم وثقافتهم علشان نستفيد منهم وناخذ الزين ونطرح الشين..

مو حلو ان نصير مثل الغير في لبسهم وشعرهم وصرعتهم اللي مالها شغل بدينا ومبادئنا...

حلو ان الانسان يلبس ويكشخ ويتبع الموضه بس بشكل معقول ...

موحلو ان الواحد يبالغ في لبسه وشكله ويصير نسخ بس علشان الاستايل..

وحلو ان الواحد يختار الانسان كصديق بنفسه واشوف اللي يتوافق مع افكاري وميولي واطباعي...
بس اللي مو حلو ان تكون معايير التقييم للشخصيات مبينه على مظاهرهم..وشنو عندهم وما عندهم...

وايد حلو ان تكون لنا نظرتنا الخاصه بالناس وقناعاتنا اللي من خلالها نتقرب ونبتعد ونتناقش ونتحاور فيها ونحترم غيرنا بافكارهم وتوجهاتهم وقناعاتهم...
وكلش مو حلو ان نعادي ونحتقر الاشخاص اللي يخالفونا بالرأي والفكر...ونقول عنهم ما يفهمون او معقدين...

ترى حلو ان الواحد يكون صريح بحدود اللباقه وبدون تجريح والمجامله همن زينه ووايد لها دور بتخطي الزمات في العلاقات الشخصيه والاجتماعيه..

واللي مو حلو ان الانسان يجامل لحد النفاق ويصير افاق ويخادع الناس علشان لا يزعلون منه..ودايما يكسبهم بصفه...

حلو ان الانسان يجتهد ويحاول ويوصل بجده وتعبه وان ياخذ من غيره الشي الزين واللي يفيده بشغله ويحسن من مستواه وادائه ويخليه يرتقي بمكانته عمليا ومجتمعيا...

بس مو حلو ان الواحد يملق الناس ويتمصلح ويكون معاهم,معاهم..عليهم,عليهم وياخذ جهد غيره وينسبه لنفسه علشان يكون اهـو الزين اللي مافيه منه..

ترى حلو ان افتخر بنفسي وانجازاتي وشنو سويت وما سويت ..كل انسان من حقه يفتخر بنفسه وجهده وانجازاته..
والشي اللي مو حلو ان الافتخار يصل لحد المبالغه اللي طيحني من عين غيري وجنه يا ((ارض انهدي وما عليكي قدي))....

تحياتيـ ..

مشكووووووورة

عدد الرسائل : 114 تاريخ التسجيل : 15/01/2009

يسلمو روعهـ

][&#9679; حلو و مو حلو &#9679;][

][● حلو و مو حلو ●][